Living With Abuse - An Experiment

Rooh ko chahat hai aaj

samajhne ki
samjhane ki,
bhaage jaate iss waqt ko
bass do pal
ruk jaane ki

shama bhujaaye,

band chaar diwari mein
andhere se mili,
iss himmat ko,
bass ek baar
aazmaane ki.

sawaal hai bahut purana,

aadha adhoora,
poochti hun har alfaz se,
the tum kahan?
jab zaroorat thi
chillane ki

dhak liya tha,

naa jaane kyun 
inn band aankhon ko,
haste uss chehre se,
naakaam koshish thi
aabru bachane ki

neend bhari palkein,

ab deti nahi dhokha
jaagta hai mann,
aadat hai darwaze ko
dheeme se khulkar,
raat bhar jagane ki

baazuon pe lagaye

gusse mein khud,
yeh gehre nishaan
aaj kehte hain, 
dard nahi hai dawa
dard mitane ki

kaagaz pe likh

laakhon ki yeh kahani,

koshish hai,

darr se sote

hass uss bache ko,

woh pal bhulane ki

ruswa nahi sabse

par nahi lautungi ghar,
hairaan hoo!
sab jaan kar bhi
kaise hui himmat
galti meri jatane ki